Сүхбаатарын талбай бол Монгол улсын нийслэл Улаанбаатар хотын төв талбай юм. Хотын удирдлагууд 2016 онд Их эзэн Чингис хааны талбайн нэрийг өөрчлөн Сүхбаатарын талбай болгожээ. Талбайн төв хэсэгт 1921 оны Ардын хувьсгалын удирдагчдын нэг Дамдины Сүхбаатарын морьт хөшөө байдаг.

Уг барилгын төв хэсэгт Чингис хааны хүрэл хөшөө байрлах бөгөөд түүний баруун талд Өгэдэй хааны хөшөө, харин зүүн талд нь Хубилай хааны хөшөө бий. 1990 онд энэхүү талбайд коммунист нийгмийг эсэргүүцсэн тайван жагсаал болж байсан юм. Эдүгээ тус талбайд баяр ёслол, наадам, хөгжмийн тоглолт болдог төдийгүй тайван намуун орчинтой тул хүүхдүүд машин, дугуйгаа унаж, чөлөөт цагаа өнгөрүүлдэг газар болжээ.